O concelleiro de Urbanismo visitou esta mañá co persoal técnico as obras da rúa, que se abrirá este venres ao tráfico e que conta con máis espazo peonil e novas zonas de axardinamento
O concelleiro de Urbanismo, Juan Manuel Díaz Villoslada, visitou esta mañá as obras na rúa Sol, que se abrirán ao tráfico rodado este venres e que consistiron na repavimentación da calzada e das beirarrúas no tramo entre a rúa do Socorro e a praza de María Auxiliadora, coa conseguinte ampliación de beirarrúas en ambas as marxes. Manterase a zona de aparcadoiro de residentes en batería no lado dereito e en liña na parte esquerda, cun carril de circulación de 3,5 metros.
O edil sinalou que a remodelación supón unha mellora da accesibilidade e encontro coa rotonda do Paseo Marítimo e un maior espazo peonil: “É unha rúa importante de conexión con este e coa praia e parecíanos que había que traballar aquí. Por iso seguiremos cos viarios da contorna”. En concreto, na zona peonil colocouse plaqueta podotáctil tanto no paso da propia rúa Sol como nos que comunican coa rúa Hospital e Pedro Barrié de la Maza. Mantéñense as dúas prazas reservadas para persoas con mobilidade reducida (PMR) e confínase a beirarrúa cunha zona axardinada en ambos os lados.
O firme da calzada é de lousas de formigón e nas beirarrúas de terrazo de 40×40. A actuación complétase coa recollida de todas as baixantes, a creación dunha rede de pluviais da que carecía Sol e a rede de canalización municipal de catro tubaxes de 110. Tamén se renovou un hidrante de bombeiros, que estaba fóra de servizo, e
Nota de Prensa
instalouse unha nova boca de rega. Nos traballos, que comezaron o pasado 4 de novembro, investíronse preto de 193.000 euros.